2025 жылдың 2 наурыз күні Астана қаласында «Kodakan spirit» спорт кешенінде дзюдо күресінен 2009, 2010, 2011 ж.т. жасөспірімдер арасындағы Астана қаласы әкімдігінің №3 ОРМБЖСМ ашық біріншілігі болып өтті. Ашық біріншілік осы жылы мектебімізде алғашқы рет өткізіліп отыр.

Ашық біріншілікке арнайы шақыртылған қонақтар:

ҚР еңбек сіңірген спортшы, дзюдо күресінен 2024 жылғы Париж паралимпиадасының күміс жүлдегері Ерғали Шамей;
Астана қаласы әкімдігінің «Олимпиада резервін даярлау орталығы» КММ Басшысы - Тулегенов Данияр Калымкайдарович;
Астана қаласы әкімдігінің «Жоғары спорт шеберлігі мектебі» КММ Басшысы Алимов Думан Акпарович;
«Ереймен» спорт клубының президенті Букешев Қазбек Балтабайұлы.

Ашық біріншіліктің мақсаты мен міндеттерін орындай отырып, жасөспірім спортшылардың ҚР чемпионатына және халықаралық жарыстарға іріктеу жүргізілді. Сонымен қатар, спортшылардың біліктілігі жоғарылатылып, салауатты өмір салты насихатталды.

Айта кетерлік, мектебіміздің дзюдодан оқытушы-жаттықтырушысы Баталов Руслан Тулегеновичтың туған күніне орай Басшымыз Ибраев Мухамед-Рахим Рустемович естелік сыйлық табыстады.

Алдағы уақытта біздің спортшыларымыз Республикалық және Халықаралық ареналарда топ жарады деген үміттеміз!

https://www.instagram.com/reel/DGuhnift0wv/?utm_source=ig_web_copy_link&igsh=MzRlODBiNWFlZA